Грамадскае аб'яднанне "Беларускае таварыства інвалідаў" і Усеагульны саюз інвалідаў Германіі "За самавызначэнне і годнасць" пачалі рэалізацыю сумеснага праекту "Інклюзіўная сацыяльная прастора на карысць усім". Гэты праект з'яўляецца навучальным і служыць двум асноўным мэтам.

Па-першае, гэта павышэнне кваліфікацыі актывістаў "БелТІ" на рэгіянальным і мясцовым узроўнях. Для гэтага актывісты "БелТІ" будуць працаваць з нямецкімі экспертамі па прынцыпе «peer-counseling» (зацікаўлены падтрымлівае зацікаўленага). Бо нямецкія эксперты таксама з'яўляюцца людзьмі з інваліднасцю.

13 снежня ў касацыйнай інстанцыі Мінскага гарадскога суда адбылося чарговае судовае паседжанне па справе Халецкага А.П. і ЗАТ "Аўтазаводскі" па касацыйнай скарзе адказчыка (ЗАТ "Аўтазаводскі") і касацыйнаму пратэсту пракурора. Але ў працэсе судовага пасяджэння пратэст пракурора быў адкліканы. Касацыйная ж скарга адказчыка была разгледжана, але рашэнне суда засталося без зменаў.

7 снежня ўдзельнікі праекта "Маніторынг безбар'ернага асяроддзя" правялі чарговыя тэсты інструмента для вывучэння даступнасці архітэктурных аб'ектаў, будынкаў і збудаванняў. У гэты раз даследаванні праводзіліся на новай станцыі мінскага метрапалітэна "Пятроўшчына", а таксама ў кінатэатры "Бярэсце". З-за ўмоваў надвор'я абследаваць наземны маршрут паміж аб'ектамі не атрымалася - нечаканы снег змяніў планы ўдзельнікаў.

У маніторынгу прынялі ўдзел члены кааліцыі "Даступнасць", прадстаўнікі ГА "Беларускае таварыства глухіх", спецыялісты па безбар'ерным асяроддзі ААТ "Мінскметрабуд" і КУП "Мінскі метрапалітэн", журналісты беларускіх выданняў.

Офіс па правах людзей з інваліднасцю абвяшчае конкурс эсэ «Даступнасць і Інваліднасць».

Пераможцу чакае каштоўны прыз - ноўтбук!

Мэтай Конкурсу з'яўляецца пашырэнне ведаў аб праблематыцы правоў людзей з інваліднасцю ў Беларусі, прасоўванне ідэяў роўнага ўдзелу, даступнасці і ўключэння для кожнага, развіццё экспертнага патэнцыялу ў сферы правоў людзей з інваліднасцю ў нашай краіне.

Прадстаўляем Вашай увазе Бюлетэнь па правах людзей з інваліднасцю, чацьвёрты выпуск (Лістапад 2012 года).  Дакумент адчыняецца ў фармаце PDF з дапамогай праграмы Adobe Reader.

Калі Ваша дзейнасць звязаная з тэмай правоў людзей з інваліднасцю, мы будзем рады публікаваць у выданні навіны і матэрыялы Вашай арганізацыі, а таксама Вашы аўтарскія артыкулы на гэтыя тэмы.

3 снежня 2012 года будзе адзначаны чарговы Міжнародны дзень інвалідаў. Гэтая дата вызначаная рашэннем ААН і, традыцыйна,  кожны год 3 снежня надзяляецца асаблівай тэмай. Тэмай, якая павінна падкрэсліць найбольш значны кірунак развіцця грамадства; той кірунак, які павінны стаць арыенцірам для дзяржаваў у ажыццяўленні імі палітык, а для грамадскасці – усведамлення месца і ролі як цэлых супольнасцяў, так і кожнага чалавека ў іх магчымасці змяняць свет да лепшага.

27 лістапада ў Нацыянальным прэс-цэнтры адбылася прэс-канферэнцыя, прысвечаная Міжнароднаму дню інвалідаў. Спікерамі мерапрыемства выступілі прадстаўнікі міністэрстваў, ведамстваў і грамадскіх арганізацый, якія курыруюць сферу інваліднасці ў Рэспубліцы Беларусь: Ражанец А.А. (Міністэрства працы і сацыяльнай абароны), Змушко А.М. (Міністэрства адукацыі), Жудзіна Т.І. (ААТ «Інкатэх»), Ляшчынская Т.М. (РНПЦ медыцынскай экспертызы і рэабілітацыі), Чуткова І.А (намеснік прадстаўніка Дзіцячага фонду ГА (ЮНІСЕФ), Драздоўскі С.Я. (Офіс па правах людзей з інваліднасцю).

«Для мяне вар'яцтва - гэта сядзець перад тэлевізарам і марыць аб тым,
што вы самі маглі б рабіць». Эндру Хэлсі

Брытанец Эндру Хэлсі прыехаў у Беларусь па запрашэнні сяброў, каб на ўласным прыкладзе распавесці, як, будучы чалавекам з інваліднасцю і маючы дыягназ «эпілепсія», можна весці паўнавартаснае жыццё і нават здзяйсняць асабістыя экстрэмальныя подзвігі. У 1997 годзе Эндру Хэлсі, узяўшы адзін урок па веславанні, зрабіў некалькі трэніровачных заездаў па рацэ Мерсі і ў адзіночку перасёк Атлантычны акіян ад Тэнэрыфэ да выспы Сэнт-Люсіі ў Вест-Індыі, пераадолеўшы 4800 км за 116 дзён. У 1999 годзе ён вырашыў перасекчы Ціхі акіян па маршруце Каліфорнія - Аўстралія. Аднак праз 267 дзён, страціўшы 30 кг вагі, з-за цяжкіх умоваў надвор'я і недахопу ежы Хэлсі прызнаў, што не можа працягваць падарожжа.