Грамадскае аб'яднанне "Беларускае таварыства інвалідаў" і Усеагульны саюз інвалідаў Германіі "За самавызначэнне і годнасць" пачалі рэалізацыю сумеснага праекту "Інклюзіўная сацыяльная прастора на карысць усім". Гэты праект з'яўляецца навучальным і служыць двум асноўным мэтам.
Па-першае, гэта павышэнне кваліфікацыі актывістаў "БелТІ" на рэгіянальным і мясцовым узроўнях. Для гэтага актывісты "БелТІ" будуць працаваць з нямецкімі экспертамі па прынцыпе «peer-counseling» (зацікаўлены падтрымлівае зацікаўленага). Бо нямецкія эксперты таксама з'яўляюцца людзьмі з інваліднасцю.
Па-другое, праект скіраваны на цеснае супрацоўніцтва з прадстаўнікамі дзяржаўных органаў, сумеснае абмеркаванне муніцыпальных патрабаванняў для ажыццяўлення розных палажэнняў Канвенцыі аб правах інвалідаў, такіх як безбар'ернасць, інклюзія і магчымасць сацыяльнага ўдзелу, а таксама прынцып "універсальнага дызайну".
У перыяд з 9 па 12 снежня гэтага года у Беларусі прайшоў першы этап праекта "Адукацыйная тыдзень - 1". Гэты этап прысвечаны базаваму разумею інклюзіўнай сацыяльнай прасторы. Такую прастору злучаюць безбар'ерныя будаўнічыя, транспартна-тэхнічныя і камунікацыйныя рашэнні і іх прымяненне з сацыяльнай свабодай перамяшчэння для інвалідаў. У рамках тыдня адбыліся рабочыя сустрэчы ўдзельнікаў праекта, прэзентацыі, дыскусіі, семінар "Безбар'ернасць", грамадскія чытанні, прэс-мерапрыемствы. Гасцямі тыдня сталі прадстаўнікі грамадскіх і дзяржаўных арганізацый, прадстаўнікі ўлады, архітэктары і праекціроўшчыкі, эксперты, студэнты... Усе, каму не абыякавая тэма правоў людзей з інваліднасцю.
Выніковым мерапрыемствам першага этапу праекта стала прэс-канферэнцыя, на якой перад журналістамі выступілі Старшыня ГА "БелТІ" Уладзімір Патапенка і дэпутат Бундэстагу доктар Ілля Зайфэрт.
Пан Зайфэрт, у прыватнасці, адзначыў: "У ходзе нашага праекта мы хочам стварыць прыклады, калі людзі з інваліднасцю і без яе жывуць разам, атрымліваюць ад гэтага ўзаемны досвед і ўзаемную карысць. Усё гэта павінна грунтавацца на прынцыпах Канвенцыі аб правах інвалідаў. Умацаванне правоў чалавека, не залежна ад яго інваліднасці, і магчымасць для самарэалізацыі - вось чаго мы хочам дамагчыся. Падчас першага этапу праекта мы асвятлілі тэму правоў людзей з інваліднасцю і безбар'ернага асяроддзя і на філасофска-этычным, і на практычным узроўнях. Бо практыка важная не менш, чым тэорыя ў гэтых пытаннях. Так, напрыклад, мы пачалі працу пад назвай "Інклюзіўная школа № 4 у Жодзіна". За год з невялікім мы хочам стварыць праект па пераабсталяванні гэтай школы ў цалкам даступную і безбар'ернаую. Гэта будзе школа ва ўсіх сэнсах. Вучні будуць атрымліваць у ёй веды, а мы будзем вучыцца на яе прыкладзе, як будаваць безбар'ерную прастору для нас усіх".
Уладзімір Патапенка таксама выступіў перад прысутнымі: "Перш за ўсё, я хачу сказаць, што першая фаза праекта атрымалася. На прыкладзе рабочых сустрэч у Жодзіна можна сцвярджаць, што мы здолелі абудзіць цікавасць да прынцыпаў Канвенцыі аб правах інвалідаў як у грамадскасці, так і ў дзяржаўных чыноўнікаў. Нездарма наш праект атрымаў такую годную падтрымку ў прадстаўнікоў гарадскіх уладаў. Мы таксама разумеем, што праца над стварэннем інклюзіўнай школы будзе няпростай. Але гэта стане магчыма дзякуючы нашаму сумеснаму прарыву. А пасля яго навакольныя стануць ставіцца да інклюзіўных школаў як да чагосьці звыклага, гэта стане нормай. Ва ўсякім выпадку, мы на гэта спадзяемся". Гаворачы пра будучыню праекта Уладзімір Патапенка адзначыў: "Наступная ступень - гэта рэалізацыя безбар'ернай прасторы ў Камянцы. Горад сам зацікаўлены ў гэтым, бо безбар'ернае асяроддзе дапаможа рэалізацыі яго турыстычнага патэнцыялу. Ну а больш далёкая мэта - распрацаваць універсальны дапаможнік па арганізацыі безбар'ернага асяроддзя ва ўсім свеце. Вось такія ў нас планы".
Офіс па правах людзей з інваліднасцю з'яўляецца афіцыйным партнёрам праекта "Інклюзіўная сацыяльная прастора на карысць усім".
Тут вы можаце пазнаёміца з тэкстам выступу доктара Іллі Зайфэрта «Аспекты правоў чалавека ў Канвенцыі аб правах інвалідаў» (ААН, 2006 год) як перадумовы ўдзелу ўсіх і кожнага ў інклюзіўным грамадстве.
