У перыяд з 31 студзеня да 21 лютага 2012 года Офіс па правах людзей з інваліднасцю праводзіць рэгіянальны этап інфармацыйнай кампаніі «Даступнасць». Інфармацыйныя дні пройдуць у абласных цэнтрах краіны па наступным плане:
31/01 - Гродна (Адрас: вуліца Будзёнага, 48а, офіс 62).
01/02 - Брэст (Адрас: кафэ "Фея" вул. Пушкінская 16/1).
08/02 - Віцебск (Адрас: пр-т Фрунзэ, д.92 к.2 Віцебскі дом-інтэрнат пажылых людзей і інвалідаў (Актавая зала).
15/02 - Магілёў (Адрас: вул. Сурганава, 21).
16/02 - Гомель (Адрас: вул. Пралетарская, 18).
Завершыцца серыя мерапрыемстваў рэгіянальнага этапу кампаніі ў Мінску 21 лютага.
Мэтай гэтых мерапрыемстваў з’яўляецца павелічэнне інфармаванасці грамадскасці аб правах людзей з інваліднасцю, пра Офіс па правах людзей з інваліднасцю, Канвенцыю аб правах інвалідаў (ААН), аб механізмах абароны правоў людзей з інваліднасцю. На мэце арганізатараў таксама - дэманстрацыя прыкладаў арганізацыі кампаніяў і праектаў па абароне правоў людзей з інваліднасцю. У ходзе мерапрыемстваў перад гасцямі выступіць каардынатар Офіса па правах людзей з інваліднасцю Сяргей Драздоўскі. Ён раскажа аб інфармацыйнай кампаніі «Даступнасць», якая праходзіць у гэты час.
Мы запрашаем прыняць удзел у сустрэчах прадстаўнікоў органаў мясцовай улады, прадстаўнікоў СМІ, прадстаўнікоў дзяржаўных арганізацыяў сацыяльнай абароны, навучэнцаў і выкладчыкаў установаў адукацыі, работнікаў аховы правапарадку, работнікаў установаў аховы здароўя, зацікаўленых прадстаўнікоў адвакатуры і натарыята, зацікаўленых прадстаўнікоў бізнес-супольнасці, наймальнікаў, прадстаўнікоў арганізацыяў людзей з інваліднасцю, прадстаўнікоў арганізацыяў грамадзянскай супольнасці, прадстаўнікоў грамадскасці.
Праграма Інфармацыйнага дня:
10.30 - 11.00 Рэгістрацыя ўдзельнікаў
11.00 - 11.10 Прадстаўленне
11.10 - 13.00 Выступленне каардынатара Офіса па правах людзей з інваліднасцю Сяргея Драздоўскага
13.00 - 13.30 Кава-паўза
13.30 - 15.00 Адказы на пытанні, дыскусія.
На працягу ўсяго інфармацыйнага дня (11.00 -15.00) будзе працаваць бясплатная юрыдычная кансультацыя для людзей з інваліднасцю. Прыём будзе ажыццяўляць юрысконсульт Офіса па правах людзей з інваліднасцю. Таксама для азнаямлення будуць прадстаўлены некаторыя інфармацыйныя матэрыялы, кнігі, дапаможнікі.
Нагадваем, што гэтыя мерапрыемствы праходзяць у рамках інфармацыйнай кампаніі «Даступнасць», мэтай якой з’яўляецца ліквідацыя ўсялякіх бар’ераў у сферы інваліднасці - архітэктурных, прававых, эканамічных, ментальных. Кампанія праводзіцца пад лозунгам: «Кожнае грамадства моцнае настолькі, наколькі моцныя ўсе яго сябры».
Для атрымання больш поўнай інфармацыі, а таксама для акрэдытацыі (рэгістрацыі) неабходна адправіць заяўку на e-mail: info@disright.org ці патэлефанаваць па +375 25 9090602.
Для прадстаўнікоў СМІ e-mail: pr@disright.org
Падрабязнасці на сайце www.disright.org
